hinalbos

"HINALBOS" salitang Tagalog para sa "ensalada" o "salad".Sa katutubong paghahanda, ang hinalbos sa kapuluan ay karaniwang ginagamitan ng talbos ng kamote, o kaya ay mustasa o kulitis(wild spinach).Ang hinalbos sa Pilipinas ay may suka, pinasingawang hipon o pusit o isda, asin, paminta, sibuyas,kamatis,bawang at kaunting asukal.Karaniwan bago ilagay ang pinagsamang mga sahog, ang talbos na hinugasan ay binabanlian o binubuhusan muna nang tubig na mainit para bahagyang maluto ito at maging malambot kainin.Isang uri ng salad sa Pilipinas na maaring katambal ng piniritong isda, tinapa o kaya ay iba pang nilutong laman ng manok o baka.