Ferdinand A. Oreas
Ang Tagapamatnugot ng ScriptOrivmTerminvs

Pagpapakilala

Ako si Ferdinand.

Ferdinand dahil isinilang ako noong si Ferdinand Marcos ang pangulo ng Republika. Ang tawag daw sa tulad ko, martial law baby. At palibhasa'y "GI" ang tatay ko; Genuine Ilocono kung kaya isa ako sa napakaraming batang lalaki na ipinangalan sa noo'y kinikilala'ng napakahusay at napakagiting na pangulo. FERDINAND.

Ferdinand na noong nag-aaral na ako, konti na yung lima ang kapangalan ko sa mga ka-klase sa eskuwela. Pero sa kulay pa lang, lutang ako sa mga Bisaya o Tagalog na mga katukayo ko. Loyalista'ng hindi maipagkakaila. Tubong Norte kasi ang Daddy ko. Oo, "Daddy" ang tawag ko sa tatay ko. Noong panahon namin, iba ang estado ng mga batang Daddy ang tawag nila sa kanilang padre-de-pamilya habang karamihan na halos malalahat mo na, Tatay at Nanay ang tawag sa mga magulang nila.

Tubo'ng Bicolandia naman ang Mommy ko. Ador and apelyido niya bago sila ikasal ng Daddy ko na isang Oreas na gaya nga ng nabangggit, laki'ng Ilocandia; puro'ng Ilocano. Dahilan kung bakit Ferdinand A. Oreas ang pangalang pakilala ko sa pahina'ng ito.

Sa makabababasa, maganda'ng araw po sa kanila. Ferdinand A. Oreas po... Nagpapakilala.